ԱՄՆ նախկին նախագահները հրապարակավ քննադատել են Թրամփին․ WP

ԱՄՆ նախկին նախագահներ Բիլ Քլինթոնը, Բարաք Օբաման և Ջո Բայդենը վերջին երկու շաբաթների ընթացքում քննադատել են պետության ներկայիս ղեկավարին, չնայած իրենց հաջորդած նախագահներին հրապարակավ քննադատելուց զերծ մնալու ավանդույթին։ Այս մասին գրում է «The Washington Post» թերթը։

Մասնավորապես, Բարաք Օբաման կոչ է արել դիմադրել Թրամփի կողմից համալսարանների և այլ կրթական հաստատությունների նկատմամբ իրականացվող հետապնդումներին։ Ջո Բայդենը զգուշացրել է, որ գործող նախագահը ոչնչացնում է սոցիալական ապահովության «սուրբ պարտավորությունները»։ Բիլ Քլինթոնը քննադատել է Թրամփին «գերիշխելու» ցանկության և դժգոհությունների վրա կենտրոնանալու համար։

«Երկու շաբաթից մի փոքր ավելի անսովոր ժամանակահատվածում երեք նախկին նախագահներ հրապարակային ելույթներ են ունեցել՝ մտահոգություններ հայտնելով Սպիտակ տան ներկայիս ղեկավարի վերաբերյալ, չնայած այն ավանդույթին, որ նախկին նախագահները սովորաբար խուսափում են իրենց «իրավահաջորդներին» հրապարակավ քննադատելուց», - ասվում է հոդվածում։