Մոսկվայում, 30 տարվա մեջ առաջին անգամ, ջերմաստիճանի ռեկորդ է գրանցվել

Մոսկվայում օդի ջերմաստիճանն այսօր՝ ապրիլի 20-ին, հասել է +24,4 աստիճանի։ Սա 0,4 աստիճանով բարձր է նախորդ ռեկորդից, որը պահպանվում էր 1995 թվականից ի վեր։ Այս մասին հայտնել է Ֆոբոս եղանակային կենտրոնի առաջատար մասնագետ Միխայիլ Լեուսը։

Սա դարձավ մայրաքաղաքում օդի ամենաբարձր օրական ջերմաստիճանի երրորդ անընդմեջ ռեկորդը։ Ապրիլի սկզբից ի վեր ռեկորդը գերազանցվում է չորրորդ անգամ։ Ջերմաստիճանի ռեկորդային առավելագույնն այսօր թարմացվել է նաև Մոժայսկում, Կոլոմնայում, Կալուգայում, Տուլայում և Ռյազանում։

2002 թվականի մայիսի 5-ին մոսկվացիները նշել են 21-րդ դարի ամենատաք Զատիկը , երբ օդի ջերմաստիճանը հասել է +25 աստիճանի։ Մայրաքաղաքում ամենացուրտ Զատիկը եղել է 2009 թվականի ապրիլի 19-ին և 2003 թվականի ապրիլի 27-ին, այն ժամանակ գրանցվել է +4 աստիճան, ասաց պարոն Լեուսը։

Միխայիլ Լեուսը նաև զգուշացրել է ապրիլի 22-ի երեկոյան Երկրի վրա սպասվող մագնիսական փոթորիկների մասին, որոնք կանխատեսվում են մինչև ապրիլի 24-ը։