ԱՄՆ նախագահ Դոնալդ Թրամփը աջակցում է Պուտինին․ WSJ

Խաղաղ ծրագրի շրջանակներում ԱՄՆ-ն Ուկրաինային առաջարկել է Ղրիմը ռուսական ճանաչել և հրաժարվել ՆԱՏՕ-ին անդամակցելուց: Այս մասին գրում է The Wall Street Journal-ը՝ վկայակոչելով արևմտյան պաշտոնյաների աղբյուրները։

«Այս շաբաթ Ուկրաինան պետք է արձագանքի ԱՄՆ նախագահ Դոնալդ Թրամփի վարչակազմի մի շարք հեռուն գնացող գաղափարներին` ինչպես դադարեցնել պատերազմը Ռուսաստանին զիջումների ճանապարհով, ներառյալ ԱՄՆ-ի կողմից 2014 թվականին Ղրիմի ռուսական միացման հնարավոր ճանաչումը և ՆԱՏՕ-ին Կիևի անդամակցության բացառումը», - ասվում է հրապարակման մեջ:

Միևնույն ժամանակ, արևմտյան պաշտոնյաները նշել են, որ ԱՄՆ-ի ծրագիրը չի ենթադրում ռուսական նոր տարածքների ճանաչում, որոնք 2022 թվականից հետո մտել են երկրի կազմի մեջ: Այնուամենայնիվ, Վաշինգտոնը չի պնդում այդ շրջաններից Ռուսաստանի զորքերի դուրսբերումը։ ԱՄՆ Պետդեպարտամենտի անանուն ներկայացուցչի տվյալներով՝ թվարկված պահանջները վերջնագրային բնույթ չունեն և քննարկման համար «հնարավոր տարբերակների ցանկի» մաս են կազմում: