Պուտինը ցավակցություն է հայտնել Հռոմի պապի մահվան կապակցությամբ

Ռուսաստանի նախագահ Վլադիմիր Պուտինը ցավակցություն է հայտնել Հռոմի պապ Ֆրանցիսկոսի մահվան կապակցությամբ։ Հեռագիրը հրապարակել է Կրեմլի մամուլի ծառայությունը։

Պետության ղեկավարը նշել է, որ Ֆրանցիսկոսը մեծ միջազգային հեղինակություն է վայելում՝ որպես քրիստոնեական ուսմունքի հավատարիմ սպասավոր։

Պուտինն ընդգծել է, որ պոնտիֆիկոսը նպաստել է Հռոմի կաթոլիկ եկեղեցու և Ռուս ուղղափառ եկեղեցու միջև երկխոսության զարգացմանը, ինչպես նաև Ռուսաստանի Դաշնության և Վատիկանի միջև փոխգործակցությանը:

Ռուսաստանի ղեկավարի մամուլի քարտուղար Դմիտրի Պեսկովը հայտնել է, որ Պուտինն ու Ֆրանցիսկոսը բազմիցս հանդիպել են և մեծ հարգանք են տածել միմյանց նկատմամբ։

Հռոմի կաթոլիկ եկեղեցու առաջնորդը Պուտինի հետ հանդիպել է երեք անգամ՝ 2013, 2015 և 2019 թվականներին։