Մոսկվան անհանգստացած է դեպի ԵՄ Երևանի ձգտմամբ. ՌԴ փոխարտգործնախարար
Արտաքին Քաղաքական
Մոսկվան անհանգստացած է ԵՄ–ին անդամակցելու Երեւանի նկրտումներով։ Հայաստանը վտանգում է կորցնել ԵԱՏՄ առավելությունները, եթե Արեւմուտքը նրան ներքաշի իր աշխարհաքաղաքական խաղերի մեջ, լրագրողներին ասել է ՌԴ փոխարտգործնախարար Ալեքսանդր Գրուշկոն, փոխանցել է ՏԱՍՍ-ը։
«Բնականաբար, Հայաստանի՝ ԵՄ–ին անդամակցելու ձգտումները մտահոգիչ են, քանի որ նման նկրտումները անհամատեղելի են ԵԱՏՄ-ին այդ երկրի անդամակցության հետ, եւ մենք այդ մասին խոսում ենք հայ գործընկերների հետ մեր բազմաթիվ շփումներում»,- նշել է ռուս դիվանագետը։
«Հայտնի է, որ ԵԱՏՄ-ին իր մասնակցության շնորհիվ Հայաստանը զարգանում է դինամիկ փուլերով, տնտեսական աճ է նկատվում Երեւանի համար բոլոր առանցքային ոլորտներում։ Եվ սա հսկայական հարստություն է, որը Հայաստանը կարող է կորցնել, եթե Արեւմուտքը նրան ներքաշի իր աշխարհաքաղաքական խաղի մեջ՝ փորձելով պոկել Հայաստանը Ռուսաստանից եւ այլ բնական դաշնակիցներից»,- հավելել է նա։
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում գործող հայտնի սրճարաններից մեկում. հայտնաբերվել է տղամարդու մարմին
