ՌԴ-ում եղբայրական հայերի վիշտը ընդունել են որպես սեփական ցավ. Զախարովա (տեսանյութ)

ՌԴ-ում եղբայրական հայ ժողովրդի վիշտը միշտ ընդունել են որպես սեփական ցավ։ Այս մասին այսօր ճեպազրույցի ընթացքում նշել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Հայոց ցեղասպանության 110-րդ տարելիցին։

Զախարովան ընդգծել է նաև, որ 1915-ի իրադարձությունների վերաբերյալ Մոսկվայի դիրքորոշումը քաջ հայտնի է, այն հետևողական է և հիմնված մարդասիրական սկզբունքների վրա:

«Ապրիլի 24-ին լրանում է 20-րդ դարի առաջին ցեղասպանության 110-րդ տարելիցը։ Մոսկվայի դիրքորոշումն այս իրադարձությունների վերաբերյալ հայտնի է. այն հիմնված է հումանիստական ավանդույթների վրա։ Արդեն 1915 թվականին ռուսական դիվանագիտության ղեկավար Սերգեյ Սազոնովի նախաձեռնությամբ միջազգային հանրության առաջատար անդամները կատարվածը որակեցին որպես մարդկության դեմ հանցագործություն»,- ասել է նա։