Էրդողանը Հայոց ցեղասպանության 110-րդ տարելիցին ուղերձ է հղել
Արտաքին Քաղաքական
Թուրքիայի նախագահ Ռեջեփ Թայիփ Էրդողանը Պոլսո Հայոց պատրիարքին և հայ համայնքին ուղերձ է հղել, որում նշված է. «Այս տարի ևս խորին հարգանքով ենք հիշում Առաջին համաշխարհային պատերազմի դժվարին պայմաններում իրենց կյանքը կորցրած Օսմանյան հայերին և մեր ցավակցությունն ենք հայտնում նրանց սերունդներին»։
«Մենք մեր սրտում դեռ զգում ենք Օսմանյան կայսրության վերջին շրջանում տեղի ունեցած ապստամբությունների, զինված խմբավորումների կողմից իրականացված դիվերսիոն գործողությունների, համաճարակային հիվանդությունների պատճառով կորսված կյանքերի ցավը»։
Թուրքիայի նախագահը նշել է՝ մյուս կողմից գիտակցում են, որ պետք է միասին կերտել ապագան՝ հավատով, որ անցյալի տխուր հիշողությունները չպետք է գերի պահեն ներկան և ապագան․
«Նրանք, ովքեր փորձեցին պատմությունից թշնամանք ստեղծել և խարխլել մեր միջև ամուր կամուրջներն ու կապերը, մինչ օրս չեն հասել իրենց նպատակներին»։
Ուղերձում նշվում է, թե Թուրքիայի մշակույթի, արվեստի, քաղաքական, տնտեսական, կրթական և սոցիալական կյանքում արժեքավոր ներդրում ունեցած հայ քաղաքացիների անդորրը, անվտանգությունն ու բարօրությունը շարունակելու են մնալ իրենց առաջնահերթություններից, ինչպես և մյուս բոլոր քաղաքացիների դեպքում։
«Ինչպես Թուրքիան միասին հասցրել ենք այս օրերին, Թուրքիայի դարաշրջանն էլ ուս ուսի տված կկառուցենք։ Ահա այս մտքերով կրկին անկեղծորեն կիսում եմ Հայ համայնքի՝ անցյալում ապրած ցավերը, հարգանքով եմ հիշում իրենց կյանքը կորցրած Օսմանյան քաղաքացիներին», - նշված է Հայոց ցեղասպանության փաստը ժխտող Թուրքիայի առաջնորդի ուղերձում։
ՈՒՂԻՂ ԵԹԵՐ
Ամենադիտված 
«Ես կպատմեմ, թե ինչպես է եղել». Միլենա Պետրոսյանը 2 շաբաթ անց խախտել է լռությունը
