Telegraph-ը բացահայտել է Զելենսկու խաղաղության փաստաթղթի բովանդակությունը

Լոնդոնում կայացած բանակցությունների ընթացքում Ուկրաինան եվրոպացի գործընկերների հետ մշակել է Ռուսաստանի հետ պատերազմի կարգավորման պլանի սեփական տարբերակը: Այն արդեն փոխանցվել է ԱՄՆ-ին։ Այս մասին հայտնում է Telegraph-ը։

Առաջին և երկրորդ կետերը կենտրոնանում են ցանկացած խաղաղության համաձայնագրի ձևակերպման վրա, որը «հիմնված է միջազգային իրավունքի վրա, այլ ոչ թե կապիտուլյացիայի»։ «Հստակ ընդգծվում է «անվտանգության երաշխիքների» կարևորությունը՝ որպես գին ցանկացած հեռանկարային խաղաղ համաձայնագրի համար, որի շրջանակներում Ուկրաինան տարածք կզիջի Ռուսաստանին, թեկուզ ժամանակավոր հիմունքներով», - մանրամասները բացահայտել են լրագրողները:

Երրորդ կետի համաձայն՝ «Սա փորձ է՝ Թրամփից խլել բանակցությունների վերահսկողությունը և Ուկրաինան վերադարձնել խաղաղ գործընթացի կենտրոն»։

Չորրորդ կետը նախազգուշացում է ինչպես ԱՄՆ-ի, այնպես էլ ՆԱՏՕ-ի համար, որ Ղրիմը վերահսկելու Ռուսաստանի թույլտվությունը թույլ է տալիս նրան սպառնալ ոչ միայն Ուկրաինայի, այլև Սևծովյան դաշնակիցների՝ Թուրքիայի, Ռումինիայի և Բուլղարիայի վրա հարձակումներով:

Հինգերորդ և վերջին կետը հստակ ցույց է տալիս, որ Ռուսաստանին չի կարելի թույլ տալ գործարքն օգտագործել Ուկրաինայի զինված ուժերի կամ պաշտպանական-արդյունաբերական բազայի քանակը սահմանափակելու համար: