Գերմանական թերթը Թուրքիան ներկայացրել է որպես քրիստոնեական պետություն
Թուրքիա
Գերմանական հանրահայտ Süddeutsche Zeitung պարբերականը կազմել է աշխարհի կրոնների քարտեզը, որի վրա Թուրքիան ներկայացվել է որպես քրիստոնեական պետություն. գրում է Ակօս-ը:
Երկրները, որոնց բնակչության մեծամասնությունը մուսուլման է, քարտեզի վրա ներկված են կանաչ գույնով: Իսկ այն պետությունները, որոնք գերազանցապես քրիստոնեաբնակ են, ներկված են կարմիր գույնով: Այլ կրոններ դավանող երկրները քարտեզի վրա ուրիշ գույնով են ներկայացված: Թուրքիան, ինչպես երևում է քարտեզից, հայտնվել է քրիստոնյա պետությունների շարքում:
Մյունխենի թուրքական խորհրդի նախագահ Նուքհեթ Քըվանը հայտարարել է, որ այդքան հեղինակավոր պարբերականի կողմից թույլ տրված նման սխալն ուղղակի ապշեցուցիչ է:
Թերթի ներկայացուցիչներն արդեն հանդես են եկել հայտարարությամբ, որում ասված է, որ իրենք չեն նկատել սխալը և խոստացել են ուղղել այն:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
