Թուրքիայի կրթության նախարարն այցելել է հայկական Մխիթարյան դպրոց

Թուրքիայի կրթության նախարար Օմեր Դինչերը պատմական այց է կատարել հայկական Մխիթարյան դպրոց: Այս մասին հաղորդում է Hurriyet daily թուրքական ամսագիրը:

Թուրքիայի կրթության նախարար Օմեր Դինչերի այցը հայկական դպրոց Թուրքիայի պատմության մեջ նախադեպը չունեցող իրողություն էր. առաջին անգամն է, որ թուրքական կառավարության անդամներից մեկն այսպիսի նախաձեռնությամբ է հանդես գալիս: Այս դեպքը կապված էր անցյալ տարի ուսանողների այցի հետ, որոնք նախարարից պահանջել էին դասագրքերից հեռացնել հայերի նկատմամբ թշնամական վերաբերմունքը:

Hurriyet-ին տված հարցազրույցի ժամանակ Մխիթարյան դպրոցի տնօրեն Կարեկին Բարսամյանը նշել է. «Փոքրամասնությունները մտածում են, որ երկրում առկա խնդիրները կապված են միայն փոքրամասնությունների հետ, սակայն անցյալում, բացի փոքրամասնություններից և ալևիներից, բռնությունների էին ենթարկվում նաև սուննիները: Հասարակության մեջ խաղաղ միջավայր ստեղծելու միակ միջոցը ժողովրդավարության հաստատելն է»:

Նախախարը, անդրադառնալով այն հանգամանքին, որ այս տարվանից երեխաները կարող են իրենց կամքով նաև մայրենի լեզու սովորել, նշել է. «Յուրաքանչյուր երեխա անհատ է և ազատ է իր ընտրությունների մեջ»: Նա նաև նշել է, որ այսպիսի դասաժամեր կբացվեն միայն այն բանից հետո, երբ տաս երեխա դիմի նման պահանջով: Անդրադառնալով կրոնի մասին հարցերին, որոնք պետք է տան ուսանողները բարձրագույն գիտական համակարգ ընդունվելու ժամանակ, Բարսամյանն ասել է, որ ազգային փոքրամասնություններն ազատված կլինեն նման հարցերից: