Թբիլիսիի կենտրոնում խոշոր հրդեհ է բռնկվել. այրվում է հագուստի շուկան (լուսանկար, տեսանյութ)

Թբիլիսիի կենտրոնում՝ «Պլոշչադ Վոկզալնայա» մետրոյի կայարանի մոտակայքում գտնվող հագուստի շուկայում հրդեհ է բռնկվել։ Հրդեհը տարածվել է երկաթուղային կայարանի մոտակայքում գտնվող պահեստներում, հաղորդում է վրացական «Իմեդի» հեռուստաալիքը։

Կրակը տարածվել է պահեստում, և դեռևս հնարավոր չէ այն մարել։ Դեպքի վայրում աշխատում են տասից ավելի հրշեջ խմբեր։ Թբիլիսիի կենտրոնական երկաթուղային կայարանը գտնվում է հրդեհի վայրի կողքին։

Վրաստանի ՆԳՆ Արտակարգ իրավիճակների կառավարման ծառայությունը հայտնել է, որ միջադեպի հետևանքով զոհեր չկան։ Մասնագետները պարզում են հրդեհի պատճառը։ Նյութական վնասի չափի մասին պաշտոնական տեղեկատվություն դեռևս չկա։