Պուտինը առաջին անգամ ցույց է տվել Կրեմլում գտնվող իր բնակարանը

Ռուսաստանի նախագահ Վլադիմիր Պուտինը խոստովանել է, որ վերջին երեք տարիների ընթացքում հաճախ է գիշերել Կրեմլի պատերի ներսում։ Նա իր Կրեմլի բնակարանը առաջին անգամ ցուցադրեց «Ռուսաստան․ Կրեմլ․ Պուտին․ 25 տարի» վավերագրական ֆիլմի համար տված հարցազրույցում, որի մի հատվածը հրապարակվել էր լրագրող Պավել Զարուբինի Telegram ալիքում։

Տեսանյութում երևում է, թե ինչպես են Պուտինը և Զարուբինը մտնում Ռուսաստանի առաջնորդի բնակարան։ Նախագահի ետևում երևում է կայսր Ալեքսանդր III-ի դիմանկարը, որի հանդեպ նա մեկ անգամ չէ, որ նշել է իր հարգանքը։

Լրագրողը հարցնում է Պուտինին. «Այսինքն՝ դուք հաճա՞խ եք այստեղ գիշերում»։ «Վերջին երեք տարիների ընթացքում հիմնականում այստեղ եմ եղել», - պատասխանում է նա։

Տեսախցիկի տեսադաշտում պատուհանի մոտ նաև սպիտակ դաշնամուր էր։ Ռուսաստանի առաջնորդը խոստովանեց, որ ինքը շատ հազվադեպ է նվագում։ Դրանից հետո Պուտինը իր հյուրին ցույց տվեց գրադարանը, երկու ննջասենյակները և «տնային եկեղեցին»։