Դեռահասը բատուտի վրա անհաջող ցատկելու պատճառով՝ կորցրել է քայլելու ունակությունը
Լուսանկարներ
ԱՄՆ-ում դեռահասը կորցրել է քայլելու ունակությունը բատուտի վրա անհաջող ցատկելուց հետո, գրում է LADBible-ը։
Վաշինգտոնցի Դեյվիդ Սեմփլը կաթվածահար է եղել կրծքից վար այն բանից հետո, երբ բատուտի հնարքը սխալ է արել: Նրա ծնողների խոսքով՝ 16-ամյա որդին սալտո է արել, ինչը նա «նախկինում միլիոնավոր անգամ արել է»։ Սակայն այս անգամ նա չի կարողացել ավարտին հասցնել սալտոն և ընկել է՝ կոտրելով վիզը։
Ընկնելուց հետո Դեյվիդը ճչալով օգնություն է խնդրել՝ ասելով, որ չի զգում իր մարմինը և վախենում է, որ վնասել է պարանոցը։ Ժամանել են բուժաշխատողները և նրան տեղափոխել Սիեթլ քաղաքի Harborview բժշկական կենտրոն, որտեղ նրա մոտ ախտորոշվել է կոտրվածք: Տղան 12-ժամյա վիրահատության է ենթարկվել ողնաշարի կայունացման համար, սակայն բժիշկները ընտանիքին ասել են, որ նրա ոտքերի շարժումները վերականգնելու հավանականությունը փոքր է:
Տղայի հայրը՝ 41-ամյա Ռեյ Սեմփլը, ասել է, որ փրկարարները ստիպված են եղել կտրել բատուտի ցանցը, որպեսզի զգուշորեն հանեն Դեյվիդին՝ առանց նրա վիզը վնասելու:
«Ես շոկի մեջ էի․ ինչպե՞ս կարող ես գոյատևել նման բանից հետո։ Բառերը չեն կարող նկարագրել», - կիսվել է տղամարդը:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
