Քաղաքագետը բացատրել է՝ ում է ձեռնտու Հնդկաստան-Պակիստան հակամարտությունը

Հնդկաստան-Պակիստան հակամարտությունը ձեռնտու է Լոնդոնին։ Tsargrad-ի հետ զրույցում նման կարծիք է հայտնել քաղաքագետ Գենադի Պոդլեսնին՝ նշելով, որ Նյու Դելին ունի սեփական սպառազինությունը, մինչդեռ Իսլամաբադը կախված է արտասահմանից եկող մատակարարումներից:

Փորձագետը հիշեցրել է, որ Մեծ Բրիտանիան բաժանել է այն տարածքը, որն այժմ զբաղեցնում են Հնդկաստանն ու Պակիստանը, որպեսզի մշտական հակամարտություններ առաջացնի այդ երկրների միջև: Նրա խոսքով՝ սահմանային խնդիրներին երկու պետությունները բախվում են արդեն մի քանի տասնամյակ, ինչն էլ ստիպում է երկու կողմերին մշտապես զինված ուժերը պահել մարտական պատրաստ վիճակում։

«Այժմ մենք գտնվում ենք այն փուլում, երբ պատերազմները ձեռնտու են այն պետություններին, որոնք կարող են դրանք սկսել իրենց ինչ-որ վստահված անձանց միջոցով և դրանով գումար վաստակել», - ասել է Պոդլեսնին: «Ընդ որում, երկու երկրների մոտ միջուկային զենքի առկայությունը կանխում է հակամարտության սրումը, ուստի այն աստիճանաբար կմարի», - հավելել է նա: