Guardian-ը պարզել է՝ երբ կսկսվի Երրորդ համաշխարհային պատերազմը

ԱՄՆ-ի և Արևմտյան Եվրոպայի երկրների բնակիչների մոտ 50 տոկոսը հավանական է համարել երրորդ համաշխարհային պատերազմի սկիզբը 5-10 տարվա ընթացքում: Այս մասին գրում է The Guardian թերթը՝ վկայակոչելով YouGov ընկերության անցկացրած հետազոտության տվյալները։

Հարցվածները նոր պատերազմի ամենահավանական պատճառ են համարել Ռուսաստանի հետ հարաբերություններում առկա լարվածությունը: Հարցված եվրոպական հինգ երկրներում՝ Մեծ Բրիտանիայում, Ֆրանսիայում, Գերմանիայում , Իտալիայում և Իսպանիայում, հարցվածների 41-ից 55 տոկոսը հայտարարել է, որ առաջիկա տարիներին հնարավոր է համարում երրորդ համաշխարհային պատերազմը: Այս տեսակետը կիսում է ամերիկացիների 45 տոկոսը։

Հետազոտությունը նաև ցույց է տվել, որ հարցվածների 68-ից 76 տոկոսը վստահ է, որ հաջորդ մեծ պատերազմը չի լինի առանց միջուկային զենքի օգտագործման: Հարցման մասնակիցների 57-73 տոկոսը Նաև կարծում է, որ նոր հակամարտության զոհերի թիվը կգերազանցի Երկրորդ համաշխարհային պատերազմի զոհերի թվին: