Պակիստանում ամբոխը գրոհով վերցրել է ոստիկանական տեղամասն ու կենդանի այրել Ղուրանը պղծողին
Մերձավոր Արևելք
Պակիստանում զայրացած ամբոխը ներխուժել է ոստիկանական բաժանմունք և կենդանի-կենդանի այրել այն մարդուն, ում մեղադրում էին Ղուրանը պղծելու մեջ. հայտնում է Reuters-ը՝ հղում կատարելով երկրի իրավապահ մարմիններին:
Սպանված տղամարդը ճանապարհորդ էր: Ուրբաթ գիշերը տղամարդն անցկացրել էր Սինհ նահանգի մզկիթներից մեկում, ուր հաջորդ առավոտյան հայտնաբերվել էին մուսուլմանների համար սրբազան համարվող գրքի՝ Ղուրանի այրված կտորներ:
«Նա ողջ գիշեր եղել է մզկիթում: Այնտեղ նրանից բացի ոչ ոք չկար, ով կարող էր նման բան անել»,-ասել է տեղի իմամը:
Սկզբում գյուղի բնակիչները ծեծել էին տղամարդուն, ապա հանձնել ոստիկանության ձեռքը: Սակայն մի քանի ժամ անց 200 հոգուց բաղկացած ամբոխը հարձակվել էր ոստիկանության տեղամասի վրա, դուրս բերել տղամարդուն և այրել փողոցում:
Տեղի ոստիկանությունից հայտնում են, որ 30 մարդ է ձերբակալվել սպանության մեղադրանքով, ևս 7-ը կալանքի տակ է գտնվում նրանց աջակցելու համար:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
