Washington Post-ը պարզել է՝ ինչ է խնդրել Թրամփը Զելենսկուց

ԱՄՆ նախագահ Դոնալդ Թրամփի վարչակազմն այս տարվա սկզբին կոչ էր արել Ուկրաինայի կառավարությանը ընդունել երրորդ երկրների «անորոշ թվով» քաղաքացիների, որոնք արտաքսվել են Միացյալ Նահանգներից, հաղորդում է The Washington Post-ը՝ վկայակոչելով համապատասխան փաստաթղթերը:

Պարերականը նշում է, որ խնդրանքն արտառոց է թվում՝ հաշվի առնելով այն, որ Ուկրաինայում, որտեղ շարունակվում են ռազմական գործողությունները, օդանավակայաններ չեն գործում, իսկ երկիրը կախված է ամերիկյան ռազմական և ֆինանսական աջակցությունից: Թե ինչպես է արձագանքել Կիևը, փաստաթղթերում չի ասվում։ 

Տեղեկությունների համաձակն, ուկրաինացի դիվանագետը ԱՄՆ դեսպանությանըհայտնել է՝ կառավարությունը պատասխան կտա, երբ վերջնական որոշում կայացնի։ Դիվանագետի խոսքով, ուկրաինան ունի «պարտավորություն ընդունելու ԱՄՆ-ից արտաքսված իր քաղաքացիներին», սակայն այժմ կառավարությունը առերեսվում է «արտակարգ իրավիճակների»։ Միևնույն ժամանակ, երկու ուկրաինացի պաշտոնյաներ պարբերականին ասել են, որ հարցը չի քննարկվել կառավարության մակարդակով։ «Ուկրաինան չի ընդունել ԱՄՆ-ից արտաքսվող երրորդ երկրի ոչ մի քաղաքացու», -  ճշտել Է թերթը։