Patriot հրթիռների տեղադրումը վնասում է Թուրքիայի անվտանգությանը. Իրան

Թուրքիայում տեղադրված Patriot հրթիռները վնասում են երկրի անվտանգությանը: Այս մասին նշել է Իրանի պաշտպանության նախարար Ահմադ Վահիդին Isna պարսկական գործակալությանը տված հարցազրույցի ժամանակ:

Նա հարցազրույցի ժամանակ նշել է. «Օտար արևմտյան ուժերի տեղադրումը տարածաշրջանում մշտապես իր հետ բերել է դժվարություններ և թշնամանք այս երկրների միջև»: Նա նաև ավելացրել, որ արևմտյան պետությունները մշտապես իրենց հետաքրքրություններն են հետապնդում, որին Իրանը դեմ է:

Ի պատասխան Իրանի նկատմամբ հնչող մեղադրանքների, որ սիրիական ուժերը մարզվում են Իրանում՝ վերջինս նշել է, որ սիրիական ուժերն իրենցից հզոր ուժ են ներկայացնում և այլ պետություններում մարզվելու կարիք չունեն, և որ Սիրիայում ստեղծված ծանր իրավիճակն այնտեղ գործող ահաբեկչական կազմակերպությունների պատճառով է: