HSBC-ն գործարկում է նոր ծառայություն

HSBC բանկը ներկայացրել է նոր ֆինանսական գործիք՝ TradePay for Import Duties, որը նախատեսված է օգնելու ԱՄՆ ներմուծողներին վճարել նախագահ Թրամփի ապրիլի 2-ին սահմանած լայնածավալ մաքսատուրքերը։ Ծառայությունը թույլ է տալիս մաքսավճարները վճարել բանկի միջոցով՝  կամ նախապես պայմանավորված վարկային պայմաններով, կամ ուղիղ ACH փոխանցումներով, հայտնում  է Reuters-ը։

 

«Այս համակարգով մեր հաճախորդները կարող են կառավարել իրենց շրջանառու կապիտալը՝ առանց ուշացումների», — նշել է HSBC-ի համաշխարհային առևտրային լուծումների բաժնի ղեկավարը։

Սա բանկի պատասխանն է ԱՄՆ-ում գնաճի ու գնաճային ճնշման պայմաններում հաճախորդների կարիքներին, երբ նոր մաքսատուրքերը սպառնում են բարձրացնել սպառողական ապրանքների գները։