Թուրքիայի արտգործնախարար Հաքան Ֆիդանը պատմել է, թե ինչպես են տարիներ առաջ իրեն թունավորել

Թուրքիայի արտաքին գործերի նախարար Հաքան Ֆիդանն առաջին անգամ բացահայտել է, որ իր դեմ մահափորձ է իրականացվել։

«Իմ դեմ 4-5 տարի առաջ մահափորձ է եղել, «Ինձ մեծ չափաբաժիններով մկնդեղ և սնդիկ են տվել, և դա հետո բացահայտվել է անալիզների ժամանակ»,- «24»-ի ուղիղ եթերում ասել է Թուրքիայի արտաքին գործերի նախարարը։

Հարցին, թե ո՞վ է դա արել, Ֆիդանը պատասխանել է. «Եկեք մանրամասների մեջ չմտնենք, թշնամիներ կան ոչ միայն երկրի ներսում, «Թշնամիներ կան ամեն տեղ»:

Հիշեցնենք, որ այդ ժամանակ Հաքան Ֆիդանը զբաղեցնում էր Թուրքիայի Ազգային հետախուզական կազմակերպության ղեկավարի պաշտոնը։