Լուլան պատրաստվում է հորդորել Պուտինին մեկնել Ստամբուլ և հանդիպել Զելենսկու հետ

Բրազիլիայի նախագահ Լուիս Ինասիու Լուլա դա Սիլվան երեքշաբթի հայտարարել է, որ պատրաստվում է հորդորել Ռուսաստանի նախագահ Վլադիմիր Պուտինին մեկնել Ստամբուլ՝ Ուկրաինայի նախագահ Վլադիմիր Զելենսկու հետ բանակցելու նպատակով։Լուլան այս հայտարարությունն արել է Պեկինում՝ Չինաստանում անցկացված տարածաշրջանային համաժողովից հետո կայացած մամուլի ասուլիսում։

 

«Ես ոչինչ չեմ կորցնի, եթե պարզապես դիմեմ՝ ընկեր Պուտին, մեկնի՛ր Ստամբուլ և սկսիր բանակցություններ», — ասել է Լուլան։ Նա հավելել է, որ վերադարձի ճանապարհին անցնելու է Ռուսաստանով և նախատեսում է հնարավորության դեպքում անձամբ բարձրացնել բանակցությունների գաղափարը Պուտինի հետ հանդիպման ընթացքում։

 

Այս նախաձեռնությունը կարող է վերածվել Ռուսաստանի և Ուկրաինայի առաջին ուղիղ երկխոսության՝ 2022 թվականից ի վեր։ Լուլայի հայտարարությունն արվել է այն բանից հետո, երբ Ուկրաինայի արտաքին գործերի նախարարը կոչ էր արել Բրազիլիային օգտագործել իր կապերը և նպաստել Պուտին-Զելենսկի հնարավոր հանդիպման կազմակերպմանը, փոխանցում է Reuters-ը։