Tesla-ի խորհուրդը քննարկում է Իլոն Մասկի նոր փոխհատուցման փաթեթը

Tesla-ի վարչությունը ձևավորել է հատուկ կոմիտե՝ գլխավոր տնօրեն Իլոն Մասկի փոխհատուցման հարցը վերանայելու նպատակով։ Այդ քննարկումները կարող են հանգեցնել նոր ակցիաներով պայմանավորված պարգևատրման ծրագրի, հայտնում է Financial Times-ը։ Կոմիտեն բաղկացած է երկու անդամից՝ ընկերության խորհրդի նախագահ Ռոբին Դենհոլմից և անկախ անդամ Քեթլին Ուիլսոն-Թոմփսոնից։ Քննարկվում է նաև այլընտրանքային մեխանիզմ՝ Մասկին փոխհատուցելու համար իր նախորդ աշխատանքի դիմաց, եթե Դելավերի դատարանի կողմից չեղարկված 2018-ի փոխհատուցման փաթեթը չվերականգնվի բողոքարկման արդյունքում։

 

2024-ին Դելավերի դատարանը չեղարկել էր Մասկի՝ ավելի քան  50 ԱՄՆ միլիարդ դոլար արժողությամբ պարգևատրման ծրագիրը, նշելով, որ այն հաստատվել էր մասնագիտորեն անարդար պայմաններում՝ հակասելով բաժնետերերի շահերին։ Մասքը մարտին սկսել է բողոքարկման գործընթաց՝ դատարանի որոշումը վիճարկելու համար։Tesla-ը ներկայումս կանգնած է ռազմավարական շրջադարձի առաջ․ Մասկը, ով ընկերության բաժնետոմսերի 13%-ի տերն է, շեշտը դրել է ոչ թե մատչելի էլեկտրամեքենաների, այլ ռոբոտաքսիների և հումանոիդ ռոբոտների մշակման վրա՝ դիրքավորելով Tesla-ին որպես AI և ռոբոտատեխնոլոգիական ընկերություն, այլ ոչ միայն ավտոմոբիլային արտադրող։

 

Ընկերությունը դեռ չի հրապարակել իր տարեկան բաժնետերերի ժողովի հայտագիրը՝ մինչդեռ սովորաբար այն ներկայացվում է շաբաթներ առաջ։ Ավելի վաղ Դենհոլմը հերքել էր Wall Street Journal-ի հաղորդումը, թե ընկերությունը նոր գործադիր տնօրեն փնտրելու համար կապ է հաստատել հերբային գործակալությունների հետ։