«Հնարավորությունների պատուհան» է բացվել Ուկրաինայի հարցում․ Ֆիդան

«Հնարավորությունների պատուհան» է բացվել Ուկրաինայի հակամարտության կարգավորման հարցում, ՆԱՏՕ-ի երկրները կքննարկեն կարգավորման գործընթացին իրենց հնարավոր օգնությունը։ Այս մասին հայտարարել է Թուրքիայի ԱԳ նախարար Հաքան Ֆիդանը Անթալիայում դաշինքի արտգործնախարարների ոչ պաշտոնական հանդիպման փակ հատվածի մեկնարկից առաջ, գրում Է ՏԱՍՍ-ը։

«Իհարկե, Ուկրաինայում պատերազմը արդար և ամուր հիմքերի վրա կանգնեցնելու մեր ջանքերը կդառնան այսօրվա մեր քննարկումների կարևոր մասը։ Դուք բոլորդ գիտեք, որ Թուրքիան միշտ ընդգծել է այդ խնդրի լուծման դիվանագիտական ճանապարհի անհրաժեշտությունը։ Երեք տարվա անտանելի տառապանքներից հետո վերջապես բացվեց հնարավորությունների պատուհանը: Ստամբուլում մեր այսօրվա հանդիպումը կարևոր առիթ կլինի քննարկելու՝ ինչպես կարող ենք անհատապես և հավաքականորեն աջակցել այդ գործընթացին», - ասել է Թուրքիայի արտաքին քաղաքական գերատեսչության ղեկավարը ։