Ֆիդանը հայտնել է՝ որ դեպքում կողմերը կհասնեն խաղաղության

Անկարան անկեղծորեն հավատում է, որ երեք տարվա ընթացքում Ստամբուլում Ռուսաստանի և Ուկրաինայի առաջին բանակցությունները կարող են խաղաղության հանգեցնել կողմերի կառուցողական մոտեցման դեպքում, հայտարարել է Թուրքիայի ԱԳ նախարար Հաքան Ֆիդանը, հայտնում է Ria Novosti-ն:

Ֆիդանը բանակցությունների սկզբում բացման խոսքով դիմել է կողմերին։

«Մենք անկեղծորեն հավատում ենք, որ կարելի է հասնել խաղաղության, եթե կողմերը կառուցողական ըմբռնումով մոտենան բանակցություններին», - հայտարարել է Ֆիդանը: Նրա խոսքով՝ Անկարան պատրաստ է բոլոր ուժերը ներդնել խաղաղության հասնելու համար։