Չինաստանը դարձել է Կանադական նավթի գլխավոր գնորդը

Չինաստանը դարձել է հիմնական գնորդը Կանադայի Trans Mountain նավթատարով արտահանվող նավթի համար՝ փոխարինելով սպասված ամերիկյան շուկային։ Մեկ տարում Պեկինը սկսել է ստանալ օրական շուրջ 207,000 բարել՝ համեմատած նախորդ տասնամյակի միջին 7,000 բարելի հետ։ Սա կապված է ԱՄՆ-ի նախագահ Դոնալդ Թրամփի կողմից հարուցված մաքսային սահմանափակումների և Չինաստանի ցանկության հետ՝ նվազեցնել կախվածությունը ռուսական և վենեսուելական նավթից։

 

Trans Mountain-ի ընդլայնված նավթատարն արդեն տեղափոխում է մինչև 890,000 բարել նավթ օրական դեպի Կանադայի Խաղաղօվկիանոսյան ափ՝ բացելով նոր արտահանման ուղիներ դեպի Ասիա։ Թեև ԱՄՆ-ն շարունակում է մնալ խոշոր սպառող, դրա մասնաբաժինը նոր նավթատարից ավելի ցածր է՝ 173,000 բարել օրական։ Քաղաքական փորձագետները նշում են, որ Պեկինը նաև փորձում է խուսափել արևմտյան պատժամիջոցներից՝ ավելացնելով կայուն և դիվերսիֆիկացված մատակարարումների պահանջարկը։

 

2024-ին Կանադայի նավթային արտահանումը ԱՄՆ-ից դուրս աճել է գրեթե 60%-ով՝ հասնելով ռեկորդային 183,000 բարելի։ Հիմա Կանադան ավելի ու ավելի է դիտարկում Ասիան որպես առաջնային շուկա, իսկ pipeline-ի հնարավոր հաջորդ ընդլայնումը ևս մեծամասամբ կուղղվի դեպի այդ տարածաշրջան, հայտնում է Reuters-ը։