Tesla-ն համալրում է խորհրդի կազմը․ Chipotle-ի գործադիր Ջեք Հարթունգը միանում է խորհրդին

Tesla-ն հայտարարել է, որ հունիսին տնօրենների խորհրդի կազմում կընդգրկի Chipotle ընկերության փորձառու գործադիր Ջեք Հարթունգին։ Նա կմիանա նաև աուդիտ կոմիտեին՝ խորհրդի կազմը հասցնելով ինը անդամի։ Հարթունգը հունիսին պատրաստվում է պաշտոնապես հեռանալ Chipotle-ում զբաղեցրած նախագահի և ռազմավարության ղեկավարի պաշտոնից՝ դառնալով ավագ խորհրդատու։

 

Նշվում է, որ Հարթունգը նախկինում զբաղեցրել է ֆինանսական և մատակարարման շղթայի ղեկավարի պաշտոնը՝ պատասխանատու լինելով ընկերության ռազմավարական զարգացման համար, փոխանցում է  Reuters-ը։

 

Այս նշանակումը կատարվում է մի պահի, երբ Tesla-ի ղեկավարությունը գտնվում է ուշադրության կենտրոնում․ ընկերությունը վերջերս հատուկ հանձնախումբ է ձևավորել՝ վերանայելու Մասկի պարգևատրման հնարավոր նոր փաթեթը։