Մահացել է լեգենդար բալետմայստեր Յուրի Գրիգորովիչը

Խորհրդային և ռուսաստանյան խորեոգրաֆ, բալետմայստեր, բալետի արտիստ Յուրի Գրիգորովիչը մահացել է կյանքի 99-րդ տարում, հայտնել է Բախրուշինի թանգարանը։

Յուրի Գրիգորովիչը ծնվել է 1927 թվականի հունվարի 2-ին Լենինգրադում։ Նա ավարտել է պարարվեստի ուսումնարանը, տասը տարի եղել է Կիրովի անվան Լենինգրադի օպերայի և բալետի թատրոնի մենակատար, իսկ այնուհետև՝ 1961-1964 թվականներին՝ այդ թատրոնի բալետմայստեր։

Նա 1964-1995 թվականներին եղել է Մեծ թատրոնի գլխավոր բալետմայստերը, 2008 թվականից՝ Մեծ թատրոնի հաստիքային խորեոգրաֆը։

Գրիգորովիչը Սոցիալիստական աշխատանքի հերոս է (1986), ԽՍՀՄ ժողովրդական արտիստ (1973), Լենինյան մրցանակի (1970), ԽՍՀՄ երկու պետական մրցանակների (1977, 1985), Ռուսաստանի պետական մրցանակի (2017) և Ռուսաստանի կառավարության երկու մրցանակների դափնեկիր։ Նա նաև Սուրբ Անդրեաս Առաքյալի (2017), «Հայրենիքին մատուցած ծառայությունների համար» I, II, III աստիճանների և Լենինի երկու (1976, 1986) շքանշանների ասպետ է։