Լավրովն ու Փաշինյանը կհանդիպեն Երևանում․ հայտնի է՝ ինչ հարցեր են քննարկելու

Ռուսաստանի արտաքին գործերի նախարար Սերգեյ Լավրովը մայիսի 20-ին երկօրյա աշխատանքային այցով կժամանի Երևան՝ հանդիպելու Հայաստանի վարչապետ Նիկոլ Փաշինյանի և ԱԳ նախարար Արարատ Միրզոյանի հետ: Այդ մասին տեղեկացնում է ՌԴ ԱԳՆ-ն։

«Շփումները կզարգացնեն 2024 թվականի հոկտեմբերի 8-ին բարձր մակարդակով ձեռք բերված պայմանավորվածությունները, ինչպես նաև Ա.Ս. Միրզոյանի՝ հունվարի 21-ին Մոսկվա կատարած այցի արդյունքներով», - ասված է հաղորդագրության մեջ: Լավրովի այցի ծրագրում է քննարկել «երկկողմ համագործակցության հարցերի լայն շրջանակ», ինչպես նաև «եվրասիական ինտեգրացիոն միավորումների գծով փոխգործակցություն» և «միջազգային հարթակներում, առաջին հերթին՝ ՄԱԿ-ում դիրքորոշումների համակարգում»:

Ինչպես սպասվում է, նախարարները կարծիքներ կփոխանակեն տարածաշրջանային անվտանգության, այդ թվում՝ «հայ-ադրբեջանական և հայ-թուրքական կարգավորման գործընթացների հեռանկարների» վերաբերյալ, և կստորագրեն առաջիկա երկու տարվա համար ԱԳՆ-ի խորհրդակցությունների ծրագիրը: Բացի այդ Լավրովը դասախոսությամբ հանդես կգա հայ-ռուսական համալսարանում, կայցելի Երևանում գտնվող ռուսական տուն և ծաղիկներ կդնի Անհայտ զինվորի գերեզմանի անմար կրակի մոտ և Հայոց ցեղասպանության զոհերի հիշատակը հավերժացնող հուշակոթողին: