Ռուս զինվորներին հրահանգել են գնդակահարել հանձնված ուկրաինացի զինվորներին
ՌուսաստանՈւկրաինան հրապարակել է ռուսական ռադիոազդանշանների ձայնագրություններ, որոնցում հստակ լսվում են հրամաններ՝ գերի հանձնված ուկրաինացի զինվորներին գնդակահարելու վերաբերյալ։ Այդ ձայնագրությունները համընկնում են 2024-ի նոյեմբերին Զապորոժիեի շրջանից ստացված դրոնային տեսանյութի հետ, որտեղ արձանագրվում է՝ ինչպես են ուկրաինացի զինվորներին գետնին պառկեցնում ու կրակում նրանց վրա, հայտնում է CNN-ը։
ՄԱԿ-ի և արևմտյան հետախուզական մարմինների փորձագետները վերլուծել են ձայնագրությունները՝ հաստատելով դրանց իսկությունը։ Ըստ Ուկրաինայի գլխավոր դատախազության՝ սա ընդամենը մեկ օրինակ է ռուսական բանակում համակարգված գործելակերպի, որը, ըստ իրավապաշտպանների, կարող էր լինել վերևից ստացված բանավոր հրամանների հետևանք։
Այս դեպքը միանում է արդեն առկա մոտ 75 գործերին, որոնցում քննվում են 268 ուկրաինացի ռազմագերիների հնարավոր էքզեկուցիաներ։ Ուկրաինացի պաշտոնյաները պնդում են, որ ռուսական կողմը ոչ միայն խախտում է պատերազմ վարելու միջազգային կանոնները, այլև այդ դաժան կադրերը դիտավորությամբ տարածում է՝ ազդելու ուկրաինական բանակի մարտական ոգու վրա։
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
