Կառավարությունը 713.9 մլն դրամով կհամաֆինանսավորի համայնքների 33 սուբվենցիոն ծրագրեր

«Ներկայացնում եմ համայնքային ենթակառուցվածքների զարգացմանն ուղղված սուբվենցիոն ծրագրերը 713 մլն 909 հազար դրամով համաֆինանսավորելու վերաբերյալ որոշման նախագիծը»,-գործադիրի այսօրվա նիստում ասաց Տարածքային կառավարման և ենթակառուցվածքների նախարարի տեղակալ Քրիստինե Ղալեչյանը։

Նա նշեց, որ առաջարկվում է համաֆինանսավորել 15 համայնքների 33 սուբվենցիոն ծրագրեր և թվարկեց ըստ մարզերի հատկացվող գումարների չափերը։

«Արարատի մարզում ունենք 5 ծրագիր՝ շուրջ 85 մլն դրամ համաֆինանսավորմանբ.

Արմավիրի մարզում՝ 7 ծրագիր՝ 101 մլն դրամի ֆինանասավորմամբ.

Գեղարքունիքի մարզի 11 ծրագիր՝ 16 մլն դրամ համաֆինանսավորմամբ.

Լոռու մարզում՝ 2 ծրագիր՝ շուրջ 232 մլն դրամ.

Շիրակի մարզի 2 ծրագիր՝ 16 մլն դրամ.

Տավուշի մարզի 6 ծրագիր՝ 261 մլն դրամ»,-ասաց փոխնախարարը:

Քանի որ Նիկոլ Փաշինյանը չէր վարում կառավարության նիստը՝ Ղալեչյանը ստիպված էր նրա խոխարեն թվարկել բոլոր ծրագերը՝ ըստ տեղանքի և բնույթի։

Նրա խոսքով որոշման հաստատմամբ 2025 թվականի պետբյուջեից արդեն սուբվենցին հատկացումները կհասնեն 5 մլրդ 46 մլն դրամի։