Լավրովը Մերցին «ցինիկ» է անվանել

Ռուսաստանի արտգործնախարար Սերգեյ Լավրովը Գերմանիայի կանցլեր Ֆրիդրիխ Մերցին «ցինիկ» է անվանել այն հայտարարության պատճառով, որ Գերմանիան ներկայիս իրողություններում պետք է ղեկավարի Եվրոպան: Ռուս նախարարի խոսքը մեջբերում է ՏԱՍՍ-ը։

«Վերածնվում է իսկական նացիզմը։ Դրա օրինակները շատ են, այդ թվում՝ Գերմանիայի նոր կանցլեր Մերցի ելույթներն այն մասին, որ ժամանակն է, որ Գերմանիան կրկին գլխավորի Եվրոպան։ Նման խոսքեր ասելու համար՝ պետք է մեծ ցինիկ լինել», - ընդգծել Է Լավրովը։