Բացահայտվել է ծովային հրեշի առեղծվածը

Գիտնականները բացահայտել են Հյուսիսային Ամերիկայում գտնվող Վանկուվեր կղզու էլազմոզավրի գաղտնիքը: Ինչպես հաղորդվում է Journal of Systematic Palaeontology-ում, արտասովոր գիշատիչը, որի մնացորդները հայտնաբերվել էին դեռևս 1988 թվականին, նախկինում անհայտ տեսակի ներկայացուցիչ է եղել:

Նոր տեսակն առանձնանում էր հզոր, սուր ատամներով, երկար պարանոցով և յուրահատուկ անատոմիայով, որը թույլ էր տալիս նրան որսալ պլիոզավրերի համար անսպասելի մարտավարությամբ՝ վերևից հարձակվելով որսի վրա: Հետազոտողների կարծիքով, այս հատկությունը նրան դարձնում է խմբի առաջին ներկայացուցիչներից մեկը, որն ունակ է որսի այս ոճին:

Այն հայտնաբերվել է կավճե նստվածքներում (մոտ 85 միլիոն տարի առաջ) Պանտլեջ գետի մոտ և այդ ժամանակից ի վեր դարձել է տարածաշրջանի իրական խորհրդանիշը: Սակայն մինչ այժմ գիտնականները չեն կարողացել հստակ որոշել, թե որ տեսակին են պատկանել գտնված ոսկորները։ Չնայած տասնամյակների անորոշությանը, ծովային մողեսի առեղծվածը վերջապես լուծվել է։