ԵՄ-ն պատրաստվում է պատժամիջոցներ կիրառել «Հյուսիսային հոսք 2»-ի նկատմամբ․ Bloomberg

Եվրամիությունը քննարկում է «Հյուսիսային հոսք 2»-ի դեմ պատժամիջոցներ կիրառելու մեխանիզմները՝ գազատարի շահագործման հնարավոր վերսկսման ֆոնին։ Այս մասին գրում է Bloomberg-ը։

Գերմանիայի կառավարությունը՝ Ֆրիդրիխ Մերցի գլխավորությամբ, աջակցում է այս որոշմանը։ Գործակալության տվյալներով՝ գազատարների դեմ պատժամիջոցների կիրառումը դիտվում է որպես քաղաքական քայլ՝ ի պաշտպանություն ԵՄ-ի՝ մինչև 2027 թվականը ռուսական գազի ներմուծումը աստիճանաբար դադարեցնելու ծրագրի և  ապագայում Ռուսաստանից գազի մատակարարումներին ապավինելու «գայթակղությունից» հրաժարվելու ծրագրի։

«Սա կանխարգելիչ հարված է ռուսական «էժան» գազի նկատմամբ ցանկացած քաղաքական կարոտախտի», - ասել է Կոլումբիայի համալսարանի Գլոբալ էներգետիկ քաղաքականության կենտրոնի հետազոտող Տատյանա Միտրովան ՝ մեկնաբանելով այս ծրագրերը ։