Ահաբեկչական խմբավորումները հարձակվել են Մոզամբիկ ուղևորվող ռուսական «Ատլանտիդա» նավի վրա

Մոզամբիկը սկսել է հետաքննել ռուսական «Ատլանտիդա» օվկիանոսագրական նավի վրա հարձակման միջադեպը։ Այս մասին հայտնում է Club of Mozambique պորտալը։

Նշվում է, որ հարձակման վայրում գործել են ահաբեկչական խմբավորումներ: Նավը հարձակման է ենթարկվել երկու նավերի կողմից։ Անձնակազմը ստիպված է եղել Մապուտու նավահանգիստ մտնել նախքան Հարավաֆրիկյան Հանրապետություն մեկնելը։

Հարձակումը տեղի է ունեցել մայիսի 10-ին։ Մոզամբիկում Ռուսաստանի դեսպանատանը նշել են, որ Ռուսաստանի քաղաքացիներից ոչ մեկը չի տուժել: Սարքավորումներին աննշան վնաս է հասցվել։