ԱՄՆ-ն չեղարկել է Սիրիայի նկատմամբ սահմանված որոշ պատժամիջոցներ

ԱՄՆ ֆինանսների նախարարությունը չեղարկել է սիրիական ավիաընկերությունների, մի շարք բանկերի և նավագնացության ընկերությունների նկատմամբ սահմանված պատժամիջոցները։ Այս մասին հայտնել է գերատեսչության մամուլի ծառայությունը։

Ֆինանսների նախարարությունը մանրամասնել է, որ որոշումը թույլ է տալիս գործարքներ կատարել «Սիրիական արաբական ավիաուղիների», Սիրիայի առևտրային բանկի, Սիրիայի կենտրոնական բանկի, Սիրիայի գազի ընկերության, Սիրիայի նավթային ընկերության, Լաթաքիայի նավահանգստի, Սիրիայի էներգետիկայի նախարարության և զբոսաշրջության նախարարության հետ։

«Այս ընդհանուր լիցենզիան թույլ չի տալիս Ռուսաստանի Դաշնության կառավարության, Իրանի կառավարության, ԿԺԴՀ կառավարության համար կամ նրանց անունից որևէ գործարք կատարել կամ կապված լինել ապրանքների, տեխնոլոգիաների, ծրագրային ապահովման, միջոցների, ֆինանսավորման կամ ծառայությունների փոխանցման կամ տրամադրման հետ դեպի Իրան, Ռուսաստան կամ ԿԺԴՀ-ից կամ Իրանից», - ասվում է փաստաթղթում։