Փարիզի դատարանը Քիմ Քարդաշյանին կողոպտելու մեջ մեղադրվողներին դատապարտել է մինչև 8 տարվա ազատազրկման
Աշխարհ
Փարիզի ատենակալների դատարանը մեղավոր է ճանաչել հայազգի մոդել Քիմ Քարդաշյանին կողոպտելու մեջ մեղադրվող տասը մարդու։ Այս մասին հայտնել է BFMTV հեռուստաալիքը։
Հեռուստաալիքի տվյալներով՝ Աոմար Այթ Կեդաշը, որը գործին ներգրավված էր՝ որպես կողոպուտի կազմակերպիչ, ստացել է ութ տարվա ազատազրկման դատավճիռ։ Միաժամանակ, դատարանը որոշել է պատժի մեջ ներառել նախկին հինգ տարվա ազատազրկումը։ Երեք այլ մասնակիցներ դատապարտվել են յոթ տարվա ազատազրկման, որոնցից հինգը՝ պայմանականորեն։
Բացի այդ, BFMTV-ն գրում է, որ կողոպուտի կազմակերպչի որդին ստացել է հինգ տարվա ազատազրկում, որից չորսը՝ պայմանական։ Եվս երկու մեղադրյալ արդարացվել են, իսկ գործով մնացած երեք մեղադրյալները ստացել են չորս տարուց ոչ ավելի պայմանական ազատազրկում։
«Դատավճիռները բավականին մեղմ են։ Դուք վնաս եք պատճառել, նույնիսկ եթե ոչ մեկին չեք հարվածել, դուք վախեցրել եք», - ասել է դատավորը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
