Պուտինի ուղղաթիռը հայտնվել է Ուկրաինայի զինված ուժերի հարձակման էպիկենտրոնում

ՌԴ Կուրսկի մարզ կատարած այցի ժամանակ Ռուսաստանի նախագահ Վլադիմիր Պուտինի ուղղաթիռը հայտնվել է Ուկրաինայի զինված ուժերի (ԶՈՒ) անօդաչու թռչող սարքերի կողմից իրականացված լայնածավալ հարձակման էպիկենտրոնում։ Այս մասին «Ռոսիա-24» հեռուստաալիքի եթերում հայտարարել է ՀՕՊ դիվիզիայի հրամանատար Յուրի Դաշկինը, հաղորդում է Gazeta.ru-ն։

«Գերագույն գլխավոր հրամանատարի հետ Կուրսկի մարզի տարածքով թռիչքի ժամանակ հարձակման ինտենսիվությունը զգալիորեն մեծացավ։ Ուստի, միաժամանակ անցկացրինք հակաօդային մարտեր և ապահովեցինք նախագահական ուղղաթիռի թռիչքի անվտանգությունն օդում», - ասել է զինվորականը։

Դաշկինը հավելել է, որ արդյունքում մարտական ​​առաջադրանքը հաջողությամբ կատարվել է։ Նրա խոսքով՝ ռուսական զորքերը հետ են մղել անօդաչու թռչող սարքի հարձակումը։