Լավրովը և Թուրքիայի ԱԳ նախարարը կքննարկեն Հարավային Կովկասում համագործակցության խորացման հետ կապված հարցեր
Աշխարհ
ՌԴ ԱԳՆ–ից հաղորդում են, որ հանդիպմանը Թուրքիայի և Ռուսաստանի ԱԳ նախարարները կքննարկեն Հարավային Կովկասում, Լիբիայում, Սիրիայում և Սևծովյան տարածաշրջանում տիրող իրավիճակը։
«Նրանք մանրամասն կարծիքներ կփոխանակեն Ստամբուլում ռուս-ուկրաինական բանակցություններից հետո ստեղծված իրավիճակի վերաբերյալ։ Կքննարկվի Սև ծովում անվտանգ նավագնացության թեման»,– ասվում է հաղորդագրության մեջ։
Նշվում է, որ նախատեսվում է մանրամասն քննարկել Հարավային Կովկասում համագործակցության խորացման հետ կապված հարցեր, այդ թվում՝ տրանսպորտային կապերի և հաղորդակցությունների ապաշրջափակումը, ինչպես նաև տարածաշրջանի հետհակամարտային վերականգնումը։
«Ռուսաստանը և Թուրքիան շահագրգռված են խաղաղ և կանխատեսելի Հարավային Կովկասով։ Սա կարելի է իրականացնել 3+3 տարածաշրջանային համագործակցության հարթակի շրջանակներում համատեղ ջանքերի միջոցով։ Մոսկվան ողջունում է հայ-թուրքական հարաբերությունների կարգավորման գործընթացը»,– հայտնել են ՌԴ ԱԳՆ–ից։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
