Բաքուն «ակնկալիքներ» ունի Հայաստանից՝ կապված խաղաղության համաձայնագրի ստորագրման հետ

Ադրբեջանի արտաքին գործերի նախարար Ջեյհուն Բայրամովն իր ուկրաինացի գործընկերոջը տեղեկացրել է Ադրբեջանի և Հայաստանի միջև հարաբերությունների կարգավորման գործընթացի մասին։

Ինչպես հաղորդում է «ԱՊԱ»-ն, այս մասին հայտարարել է արտգործնախարար Ջեյհուն Բայրամովը Ուկրաինայի արտգործնախարար Անդրեյ Սիբիգայի հետ համատեղ մամուլի ասուլիսում։

Ադրբեջանցի նախարարը նշել է, որ խաղաղության և միջպետական ​​հարաբերությունների հաստատման մասին համաձայնագրի տեքստի վրա աշխատանքն ավարտվել է մարտին. «Ես իմ գործընկերոջը տեղեկացրեցի այս համաձայնագրի ստորագրման հետ կապված Ադրբեջանի ակնկալիքների մասին»,– նշել է նա։