ԱՄՆ արտահանվող չինական ինքնաթիռների արժեքը մի քանի անգամ աճել է

Այն բանից հետո, երբ Վաշինգտոնը բարձրացրեց ներմուծման մաքսատուրքերը, չինական ինքնաթիռների արժեքը ԱՄՆ-ի համար ավելացավ չորսուկես անգամ: Այս մասին հայտնում է РИА Новости-ն՝ վկայակոչելով Չինաստանի վիճակագրական ծառայության տվյալները։

Նրանց տվյալներով՝ ԱՄՆ արտահանված չորս չինական ինքնաթիռների արժեքը հասել է 477,2 միլիոն դոլարի կամ 119,3 միլիոն դոլարի՝ մեկ ինքնաթիռի համար։

2024 թվականին Չինաստանը 9 ինքնաթիռ է վաճառել ԱՄՆ-ին՝ 234,1 միլիոն դոլարով։ Դրանցից ամենաթանկն արժեցել է 47,3 մլն դոլար, իսկ մեկ ինքնաթիռի միջին արժեքը կազմել է մոտ 26 մլն դոլար։

Այսպիսով, մեկ տարվա ընթացքում չինական ինքնաթիռները ԱՄՆ-ում թանկացել են 4,6 անգամ կամ 359%-ով։