Wall Street Journal-ը պարզել է՝ ով է ԱՄՆ-ում Չինաստանի լրտեսը

ԱՄՆ Դաշնային պահուստային համակարգի (ԴՊՀ) նախկին տնտեսագետ Ջոն Ռոջերսին մեղադրել են Չինաստանի լրտեսը լինելու մեջ: Այս մասին հայտնում է The Wall Street Journal-ը։

Քննիչները հայտարարել են, որ Ջոն Ռոջերսը փողի դիմաց չինացիներին տեղեկատվություն է փոխանցել ԴՊՀ-ի ներքին զեկույցների մասին։ Խուզարկության ժամանակ Հետաքննությունների դաշնային բյուրոյի գործակալները նախկին աշխատակցի վաշինգտոնյան բնակարանում մոտ 50 հազար դոլար կանխիկ գումար են գտել:

Ռոջերսը, հերքել է լրտեսության մեղադրանքները: Նախկին տնտեսագետի փաստաբանները հայտարարել են, որ իշխանությունների մեղադրանքներից շատերը թույլ հիմք ունեն՝ նշելով, որ Ռոջերսը մուտք չի ունեցել ԴՊՀ-ի դասակարգված տեղեկատվությանը, որն ազդեցություն կունենար դրամավարկային քաղաքականության վրա: Մեղավորությունը հաստատելու դեպքում նրան սպառնում է մինչև 15 տարվա ազատազրկում: