Զելենսկին կմասնակցի ՆԱՏՕ-ի առաջիկա գագաթնաժողովին

Նիդեռլանդների պաշտպանության նախարար Ռուբեն Բրեկելմանսը հայտարարել է Ուկրաինայի նախագահ Վոլոդիմիր Զելենսկու մասնակցության մասին Հաագայում կայանալիք ՆԱՏՕ-ի գագաթնաժողովին։ Նրա խոսքերը մեջբերում է WNL op Zondag-ը։

Նախարարն ասել է, որ Հյուսիսատլանտյան դաշինքն աշխատում է, որպեսզի Զելենսկին «արժանի տեղ» ունենա գագաթնաժողովի ծրագրում։

Միաժամանակ, նա դժվարացել է պատասխանել, թե հանդիպման շրջանակում կկազմակերպվի արդյոք զրույց Ուկրաինայի նախագահի և Ամերիկայի առաջնորդ Դոնալդ Թրամփի միջև։