Գազայի օգնության հիմնադրամի ղեկավարը հրաժարական է տվել, իսրայելական հարվածները նոր զոհեր են խլել
Աշխարհ
ԱՄՆ աջակցությամբ գործող Գազայի մարդասիրական հիմնադրամի ղեկավարը՝ Ջեյք Վուդը, անսպասելի հրաժարական է տվել՝ հայտարարելով, որ կազմակերպությունը չի կարող պահպանել մարդասիրական սկզբունքները: Նրա հեռանալը համընկել է Իսրայելի կողմից դպրոցի հարվածի հետ, որի հետևանքով զոհվել է 30 պաղեստինցի, այդ թվում՝ կանայք և երեխաներ, հայտնում է Reuters-ը:
Իսրայելը հաստատել է հարվածի փաստը՝ պնդելով, որ դպրոցը ծառայել է «Համաս»-ի և «Իսլամական ջիհադ»-ի որպես օպերացիոն կենտրոն: Նշվում է, որ բանակը մի քանի քայլեր է ձեռնարկել՝ նվազեցնելու քաղաքացիական զոհերի ռիսկը: Սակայն տեղեկություններ կան, որ հարվածները շարունակվել են նաև այլ շրջաններում՝ սպանելով ընդհանուր առմամբ 45 մարդու:
Հիմնադրամի ծրագրերը քննադատվում են, քանի որ նոր օգնության համակարգը նախատեսում է խիստ ստուգումներ, ներառյալ դեմքի ճանաչում, ինչը Համաս-ը որակել է որպես «սովի քաղաքականություն և պարենը որպես զենք օգտագործելու միջոց»: Մինչ այդ Իսրայելը պնդում է, որ համակարգը կօգնի զատել օգնությունը Համաս-ից և կանխել օգնության չարաշահումները:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
