Ուրախ կլինեինք ներկայացնել մեր փորձը Եվրամիության հետ կապված․ Ֆիցոն՝ Փաշինյանին

Հաջորդ ոլորտը, որտեղ կցանկանայինք Հայաստանի հետ համագործակցել, փորձի փոխանակումն է, եթե հետաքրքրված եք, մենք ուրախ կլինեինք ձեզ ներկայացնել մեր փորձը Եվրամիության հետ կապված։ Այս մասին, այսօր՝ մայիսի 26–ին, ՀՀ վարչապետ Նիկոլ Փաշինյանի հետ համատեղ ասուլիսի ժամանակ հայտարարեց Սլովակիայի վարչապետ Ռոբերտ Ֆիցոն։

«Ցույց տալ, թե որտեղ թույլ ենք տվել սխալներ, կամ որտեղ հաջողության ենք հասել, բայց հատկապես, ուրախ եմ, որ մենք կկարողանանք ձեզ ներկայացնել լավագույն փորձը, լավագույն պրակտիկան։ Սլովակիայում մենք գտել ենք որոշ լուծումներ, օրինակ պետական գնումների ոլորտում կամ ռազմավարական ներդրումների մասին օրենքի տեքստում, ես համոզված եմ դուք էլ կունենաք հետաքրքիր բաներ, որոնցից մենք կարող ենք դասեր առնել։ Երկուստեք կարող ենք միմյանցից սովորել, ես շատ ուրախ եմ, որ մենք պայմանավորվածություն ունենք ձեռք բերել փոխօգնության, փոխադարձաբար օգնելու իրար ՄԱԿ-ի անվտանգության խորհրդի ժամանակավոր անդամի թեկնածությունների հարցում և աջակցել տարբեր առաքելություններին։

Եվ Հայաստանը, և Սլովակիան կարևոր դերակատարում ունեն, ուստի ես համարում եմ, որ այս այցը հաջողված է, քանի որ մենք հստակ լցրեցինք մեր համագործակցության ուղղությունները՝ մեր գործարար պատվիրակությունների կազմերը հաշվի առնելով և մենք կենտրոնացանք մի քանի ոլորտների վրա»,–ասաց նա։

Ֆիցոն նաեւ շնորհակալություն հայտնեց հյուրընկալ վերաբերմունքի համար, և հավելեց, որ անհամբերությամբ կսպասի Նիկոլ Փաշինյանի այցին Սլովակիա։