Թրամփը սպառնում է ուղղել Հարվարդի 3 միլիարդ դոլարն ԱՄՆ արհեստագործական դպրոցներին

ԱՄՆ նախագահ Դոնալդ Թրամփը հայտարարել է, որ պատրաստվում է Հարվարդի համալսարանին տրամադրված 3 միլիարդ դոլարի գիտական և ինժեներական հետազոտությունների ֆինանսավորումը վերաուղղել արհեստագործական դպրոցներին։ Թրամփի վարչակազմը կասեցրել է Հարվարդի գրանտները՝ համալսարանի դեմոկրատ պրոֆեսորների ու լիբերալ մոտեցումների պատճառով, հայտնում է  Reuters-ը։

 

Հարվարդը, որը մասնավոր համալսարան է, հայտարարել է, որ կտրուկ ֆինանսական կրճատումները հակասահմանադրական են և խախտում են ակադեմիական անկախությունը։ Դատարանը ժամանակավորապես արգելել է Թրամփի նախաձեռնությունը՝ կասեցնելով նաև օտարերկրյա ուսանողների ընդունելության սահմանափակումները, ինչը համալսարանը համարում է անմիջական և կործանարար հարված։

 

Նախագահի վարչակազմը նաև ուսումնասիրում է Հարվարդի հարկային արտոնությունների վերացումը, դրա նվիրատվությունների հարկման բարձրացումը և համալսարանի դեմ քաղաքացիական իրավունքների խախտումների հետաքննությունը։ Թրամփը և հանրապետականները երկար ժամանակ մեղադրում են բարձրագույն ուսումնական հաստատություններին ձախակողմյան կողմնակալության մեջ։