Էրդողանը և Պակիստանի վարչապետը վաղը կայցելեն Լաչին․ այցի նպատակը հայտնի է

Թուրքիայի նախագահ Ռեջեփ Թայիփ Էրդողանը վաղը՝ մայիսի 28-ին, կայցելի օկուպացված Լեռնային Ղարաբաղ։ Այս մասին հայտնում է Haqqin-ը։

Սպասվում է նաև Պակիստանի վարչապետ Մուհամեդ Շահբազ Շարիֆի այցն Ադրբեջան: Տեղեկությունների համաձայն՝ վաղը տեղի կունենա Լաչինի միջազգային օդանավակայանի շահագործման հանձնման արարողությունը, որը օկուպացված Լեռնային Ղարաբաղում Ադրբեջանի կողմից կառուցված երրորդ օդանավակայանն է:

Օդանավակայանը, որի հիմքը դրվել է 2021 թվականին, գտնվում է Լաչին քաղաքի կենտրոնից 30 կմ հեռավորության վրա։ Այն ունի 3 հազար մետր երկարությամբ և 60 մետր լայնությամբ թռիչքուղի, ինչպես նաև տերմինալի շենք, որը կարող է ժամում սպասարկել 200 ուղևորի: