Մայիսին Բրիտանիայում խանութների գները փոքր-ինչ իջել են, բայց գնաճի ճնշումները աճում են
Աշխարհ
Բրիտանական մանրածախ կոնսորցիումի (BRC) զեկույցի համաձայն՝ մայիսին Բրիտանիայում խանութների գները տարեկան կտրվածքով նվազել են 0.1%-ով՝ նույնքան, որքան ապրիլին: Սակայն սննդամթերքի գներն աճել են 2.8%-ով՝ ապրիլյան 2.6%-ի համեմատ, փոխանցում է Reuters-ը:
BRC-ի գլխավոր տնօրեն Հելեն Դիքինսոնը նշել է, որ մանրածախ վաճառողները բախվում են ավելի բարձր աշխատավարձային հարկերի և ազգային նվազագույն աշխատավարձի աճի հետ: Նա հավելել է, որ նոր փաթեթավորման հարկն ու աշխատանքային շուկայի օրենքները կարող են էլ ավելի բարձրացնել ծախսերը:
Անցյալ շաբաթ պաշտոնական տվյալները ցույց տվեցին, որ ապրիլին սպառողական գնաճը Բրիտանիայում գերազանցել է սպասելիքները՝ ստիպելով ներդրողներին կանխատեսել Անգլիայի բանկի կողմից տոկոսադրույքների նվազեցման դանդաղեցում:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
