Ռուսաստանը նոր գլխավոր հյուպատոսություն կունենա

Ռուսաստանի վարչապետ Միխայիլ Միշուստինը հրամանագիր է ստորագրել Եգիպտոսի Շարմ էլ Շեյխ քաղաքում Ռուսաստանի գլխավոր հյուպատոսություն բացելու մասին։ Այս մասին գրում է «ՌԻԱ Նովոստի»-ն։

Փաստաթղթով Ռուսաստանի արտաքին գործերի նախարարությանը հանձնարարվում է սահմանել նոր քաղաքում Ռուսաստանի Դաշնության գլխավոր հյուպատոսության աշխատակազմի մակարդակը՝ Ռուսաստանի արտաքին գործերի նախարարության արտասահմանյան ներկայացուցչությունների աշխատակիցների սահմանված թվի շրջանակներում և հաստատել դրա աշխատակազմի ժամանակացույցը։