ՀԱՊԿ երկրները ընդունել են 2026-2030թթ. ռազմական համագործակցության պլանը․ Հայաստանը մասնակից չի եղել

ՀԱՊԿ երկրների պաշտպանության նախարարները Բիշքեկում կայացած հանդիպմանը հավանություն են տվել կազմակերպության շրջանակներում 2026-2030թթ. ռազմական համագործակցության ծրագրին: Այս մասին ՏԱՍՍ-ին հայտնել են Ղրղզստանի ՊՆ մամուլի ծառայությունից։

«2025 թվականի մայիսի 28-ին Բիշքեկում կայացել Է ՀԱՊԿ անդամ պետությունների պաշտպանության նախարարների խորհրդի նիստը, որի ընթացքում քննարկվել և հավանության է արժանացել ՀԱՊԿ անդամ պետությունների 2026-2030թթ. ռազմական համագործակցության զարգացման ծրագիրը», - նշել են մամուլի ծառայությունում:

«Մեր հերթական նիստի արդյունքները ևս մեկ անգամ հաստատեցին մեր տեսակետների և սկզբունքային մոտեցումների միասնությունը», - ասել է Ղրղզստանի պաշտպանական գերատեսչության ղեկավար Ռուսլան Մուկամբետովը: Բիշքեկում ՊՆ նախարարների խորհրդի նիստին մասնակցել են Բելառուսի, Ղազախստանի, Ղրղզստանի, Ռուսաստանի և Տաջիկստանի պաշտպանական գերատեսչությունների ղեկավարները, ՀԱՊԿ գլխավոր քարտուղարը, ինչպես նաև կազմակերպության քարտուղարության և Միացյալ շտաբի ներկայացուցիչները: 

Հայաստանը հանդիպմանը չի մասնակցել։