Մակրոնը քայլ է անում դեպի Պաղեստինի ճանաչում

Ֆրանսիայի նախագահ Էմանուել Մակրոնը գնալով ավելի է հակվում Պաղեստինի պետության ճանաչմանը։ Փարիզում կարծում են, որ սա կարևոր քայլ կարող է լինել, սակայն միայն սիմվոլիկ ժեստը չի բավականացնի Իսրայելի վրա ճնշում գործադրելու համար։

 

Համաշխարհային դիվանագետները զգուշացնում են՝ նման քայլը կարող է ավելի խորացնել Արևմուտքի պառակտումը, իսկ Իսրայելի լոբբիստները ակտիվորեն փորձում են փոխել Ֆրանսիայի դիրքորոշումը։Մակրոնն արդեն հայտարարել է, որ միայն քաղաքական լուծումը կարող է տարածաշրջանում խաղաղություն հաստատել՝ ընդգծելով, որ Ֆրանսիան և Սաուդյան Արաբիան պատրաստվում են հունիսին Նյու Յորքում համաժողով անցկացնել։ Սակայն որոշ փորձագետների կարծիքով՝ եթե ճանաչումը տեղի ունենա առանց լրացուցիչ քայլերի, օրինակ՝ պատժամիջոցների, այն քիչ ազդեցություն կունենա։

 

Ֆրանսիան պատրաստվում է խոշոր որոշում ընդունել՝ այսպիսով փորձելով ստեղծել քաղաքական թափ, մինչ տարածաշրջանում իրավիճակը շարունակում է վատթարանալ, փոխանցում է Reuters-ը։